Thursday, August 2, 2012

Untitled


Intezar hai waqt ke thamne ka
Sagar ki lehron ke samtal hone ka

Jab mann khwaisho ki sarhad paar kr lega
Aur aakhen nazdikyon par dhyan dengi

Zindagi ek lakshya nahi, ek ehsaas hoga
Aisa ehsaas jo sason may basa hoga

Na band taale honge aur na chabhiyo k guchhe
Aur na hongi pairo may zanjeeren

Mera vishwaas hai hum waha pahuchenge
Jaha zameen aur aasman ek honge

Zaruraten bas itihas matr hongi
Ikchayen bas ek shabd

Aisa sama jahan janaze bhi khushi ka paigam layenge
Aisa sama jahan waqt tham chuka hoga..

No comments:

Post a Comment